چاهہ جي چڻنگ ۽ عشق جو ڪو اُلو

چاهہ جي چڻنگ ۽ عشق جو ڪو اُلو، جان منهنجي جلائي تہ مان ڇا ڪريان!؟

 منهنجا سهڻا سڄڻ، منهنجا پيار پرين، ياد تنهنجي ستائي تہ مان ڇا ڪريان!؟ 

 مان تہ ڪاريهرن کي بہ ڪيري وڌو، کوڙ واسينگ واٽن تي ڊاهي وڌا، 

عام نانگن کي مارڻ سڻائو مگر، نينهن جو نانگ تہ کائي تہ مان ڇا ڪريان!؟ 

 سمجهه ۾ ڳالهہ مونکي اچي ڪانہ ٿي، حوصلہ سڀ هتي هار کائي ويا، 

حسن هلچل مچائي تہ مان ڇا ڪريان، برهہ بيخود بڻائي تہ مان ڇا ڪريان!؟ 

 مونکي روئيندو ڏسي پوءِ بہ افسوس آ موٽ ۾ هن چڙي ائين چيو اي حليم 

ڪوئي ماڻهو جي مدھوش ۽ مست ٿي حال پنھنجا وڃائي تہ مان ڇا ڪريان!؟ 

 حليم باغي.